الأمة الرياضي | كتب أحمد زاهر عبر حسابه الرسمي بموقع التواصل الاجتماعي «فيسبوك» قائلا: «والله أبطال إن احنا بننافس».
وواصل «العب من غير الشيبى ده موقوف حاضر، العب من غير رمضان صبحي وهو في أعلى فورمة وكان رايح منتخب بحجة منشطات وهمية حاضر».
وأكمل المدير الإداري لبيراميدز حديثه «إبراهيم عادل واحد من أحسن اللاعيبة في مصر هيلعب معاك وبعدها يسافر، لا معلش ده مصاب يوم 12 ويلعب مع المنتخب 14 سبحان الله مع إن حقي إنه ميروحش خالص، بس برضه حاضر».
وأردف «أكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللي هو حقي أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا».
وأكمل «إعادة شوط سموحة مع إن اللائحة واضحة وبتقول المباراة تحتسب لبيراميدز بس برضه تاني حاضر».
وتابع أحمد زاهر منشوره «أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة حاضر».
وأضاف «أنت لازم تلعب الساعة 4 وبعدها 5 ونص في عز الحر مع إني بنافس ، بس المنافس يلعب عادي بالليل حاضر».
وواصل «معلش أصل حكم مباراة المقاولون المفروض ميحكمش كارت معاهم لوقت اللزوم نطلعه».
وأتم «ظلم واضح من حكام مباراتين الدوري ويقولك الدوري ذهب لمن يستحق، ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة إحنا أبطال والله».
https://www.facebook.com/ahmed.zaher.73/posts/pfbid0sN7RdKBzD8AngLhaBf5aMFSqrdKzqXzGfkyM1nTx4w46hW3rdrjpDxDeRBcopw6vl
وهُزم بيراميدز من الأهلي في ملعب الدفاع الجوي في لقاء الجولة 31 من الدوري.
